Vortónleikar Hljómfélagsins

Dómkirkjunni 27. maí 2019 kl. 20:00

Kórinn er að fara í ferðalag til Vínarborgar í september og eru tónleikarnir liður í fjáröflun kórsins fyrir ferðina. Ágóði af tónleikunum rennur beint í ferðasjóð kórsins og í kolefnisjöfnun ferðarinnar.

Efnisskrá

Um Hljómfélagið

Hljómfélagið er ungur og ferskur kór sem syngur undir stjórn Fjólu Kristínar Nikulásdóttur. Hljómfélagið var stofnað á vormánuðum 2015, en hugmyndin kviknaði hjá nokkrum fyrrum skólafélögum sem sungu lengi saman í Skólakór Kársness. Hljómfélagið hefur vaxið hratt og skipar nú tæplega fjörutíu manns á aldrinum 20-40 ára sem koma víða að. Kórinn hefur haldið vel sótta jólatónleika frá stofnun auk vortónleika og flutt m.a. Misa Criolla eftir Ramires með hljómsveit og einsöngvara. Hljómfélagið kom einnig fram á jólatónleikum Jethro Tull í Hallgrímskirkju og sem gestakór á stórtónleikum Karlakórsins Heimis í Eldborgarsal Hörpu. Árlegir jólatónleikar kórsins eru hans stærsti viðburður en með kórnum hafa komið fram hljóðfæraleikarar og einsöngvarar, nú síðast Ragnheiður Gröndal. Hljómfélagið er metnaðargjarn kór og hefur gaman af því að flytja ný íslensk verk en hrífst einnig af öllu litrófi kórtónlistarinnar.

Þennan vetur hefur stjórnandi kórsins, Fjóla Kristín, verið að hluta í barneignarleyfi og var kórinn svo heppinn að fá Sunnu Karen Einarsdóttur til að leysa hana af á meðan. Þær stjórna tónleikunum saman.

Myndir frá fyrri tónleikum

Aðrir tónleikar

Jólatónleikar 2019